"Staðreyndir sem lítið hefur farið fyrir"

Í samnefndri grein lýsir sjávarútvegsráðherra atriðum sem honum finnst ekki hafa verið gerð skil eða komið nægjanlega vel fram í umræðinni um áhrif aflasamdráttarins á atvinnulífið. Dálítið merkilegt að hann kjósi að velja þessi atriði máli sínu til stuðnings. En ugglaust má ætla, að þegar menn eru lítt vopnaðir eða hafa veik rök, sé týnt það til sem hendi er næst, þó deigt sé.

Í viðleitni minni til að aðstoða ráðherrann dreg ég fram staðreyndir sem ekkert hefur farið fyrir í umræðu hans: (1) Á tímabilinu frá því upp úr seinna stríði og fram til gildistöku fiskveiðistjórnunarkerfisins (1983) var árlegur jafnstöðuafli á Íslandsmiðum í kringum 350 til 400 þús. tonn.  (2) Um áramótin 2006 hefur skuldsetning í sjávarútvegi aukist 14 fallt að raungildi miðað við árið 1983.

Aflinn þetta árið er þrefallt minni en hann var að meðaltali á 40 ára tímabili fyrir tilkomu fiskveiðistjórnunarkerfisins og skuldirnar eru 14 sinnum meiri en þær voru við upptöku kerfisins. Þetta er árangurinn! 

Athugasemdir

[haraldurhar, 31.1.2008 kl. 00:33]

  Sæll Hagbarður.

     Það er fenginn reynsla fyrir því að ekki sé mikið að marka orð hæstvirts Sjávarútvegsráðherra, hann rétt slefaði að ná kjöri í tveimur alþingiskosningum, og þá á þeim forsendum að hann væri á móti kvótakerfinu, en gleymdi því strax að loknu kjöri í bæði skiptinn.  Svo ég legg það til við þig þú leggir ekki of mikla vinnu í að túlka orð ráðherrans.  

    Það er rétt hjá þér  þetta kerfi er mikið fiskverndarkerfi, eins og sést best á árangri þess.  Væri trúlega mínus kvóti, ef það hefði ekki verið, eða allavega landauðn.

   Það vita allir að Einar hefur aldrei vitað í hvern fótinn hann á að stíga, og hlíðir bara þeim sem fara með völdin og peningana hverju sinni, og ég læt þér eftir að finna út úr því hverjir það eru í dag.

Kveðja  Haraldurhar.